常見問題 FAQ
老師最常問嘅問題，答案照現有條款同政策。
班級英雄點收費？
個人老師月費 HK$30／月，或年費 HK$248／年。學校方案 HK$3,880／年包 40 位老師，額外每位老師 HK$88／年。所有訂閱都由 14 日免費試用開始，唔使信用卡；試用期內愈早升級愈平（最低 5 折，只限月費／年費），每年 8–9 月個人年費同學校方案早鳥首年 8 折；終身創始價不設額外折扣。
學生需唔需要登入帳戶？
唔需要。帳戶係老師帳戶，由老師或學校管理員登入管理整班嘅座位表、分數同遊戲進度，學生本身唔使自己註冊或登入。
學生資料會點樣處理？私隱有冇保障？
你輸入嘅學生資料只由你（老師）或你所屬學校嘅帳戶管理員可以查閱。我哋唔會出售學生或老師資料畀任何人，亦都冇廣告或第三方追蹤。詳情見私隱政策。
可唔可以喺多部電腦使用？
可以，用同一個帳戶喺唔同電腦登入即可，但每個帳戶只限一位老師使用，唔可以分享帳戶、密碼或登入連結俾其他老師。
學校方案點樣運作？
學校方案 HK$3,880／年，包 40 位老師（包括學校管理員），額外老師每位 HK$88／年，中途加人會按比例計費。學校方案限同一學校 email 網域嘅老師使用，有例外情況請聯絡我哋。
試用期點用？使唔使信用卡？
所有新訂閱都由 14 日免費試用開始，唔使信用卡就可以試晒全部功能，試完先決定係咪訂閱。試用期內升級：第 1–3 日 5 折、第 4–7 日 7 折、第 8–14 日 85 折；月費適用首 3 個月，年費適用首年；終身創始價 HK$988 不設額外折扣；每年 8–9 月早鳥：年費同學校方案首年 8 折；優惠不可疊加。
可唔可以隨時取消？
可以，隨時取消都得。取消之後唔會再續期，但已經畀咗嘅嗰期會用到結束為止。
取消後可唔可以退款？
首次收費後 7 日內提出，可以全額退款，唔使理由。超過 7 日就唔會退返嗰期費用，但如果係錯收、重複收費，或者服務未如所述，就唔受 7 日限制，一樣會全額退款。詳情見退款政策。
退款要幾耐先收到？
批核咗嘅退款會喺 5 個工作天內處理，銀行或信用卡發卡機構可能再要 5 至 10 個工作天先入返帳。退款一律退返原本嘅付款方式。
遇到問題點聯絡你哋？
電郵 [email protected]，我哋會喺兩個工作天內回覆。歡迎查詢學校方案、報告故障或者帳單問題。